|
|
|
|
Payyanur Local News |
|
Affiliated To Payyanur Press Forum. Mobile: 9447482290 |
50 page(s)
| പയ്യന്നൂര്-വയനാട് റൂട്ടില് KSRTC ബസ്സ് |
 പയ്യന്നൂര്: പയ്യന്നൂരില്നിന്ന് മാനന്തവാടിയിലേക്ക് കെ.എസ്.ആര്.ടി.സി. പുതിയ ലിമിറ്റഡ് സ്റ്റോപ്പ് ബസ്സ് ഇന്ന് സര്വീസ് തുടങ്ങുന്നു. തളിപ്പറമ്പ്, ശ്രീകണ്ഠപുരം, ഇരിക്കൂര്, ഇരിട്ടി, പേരാവൂര്, കൊട്ടിയൂര് വഴിയാണ് പുതിയ സര്വീസ്. രാവിലെ 7.20ന് പയ്യന്നൂരില് നിന്ന് പുറപ്പെട്ട് 11.45ന് മാനന്തവാടിയില് എത്തും. 12.10ന് മാനന്തവാടിയില് നിന്ന് തിരിച്ച് പയ്യന്നൂര് - കാസര്കോട് വഴി രാത്രി 7.55ന് മംഗലാപുരത്ത് എത്തും. മംഗലാപുരത്തുനിന്ന് 8.15ന് പുറപ്പെട്ട് 11.50ന് പയ്യന്നൂരിലെത്തും. |
| Posted By: news desk On: 3/13/2010 6:00:12 PM |
|
|
| ചിത്രലേഖ: കണ്വന്ഷന്, വാഹന ജാഥ |
 പയ്യന്നൂര്: ടൗണിലെ ഓട്ടോറിക്ഷാ ഡ്രൈവര് എടാട്ടെ ചിത്രലേഖയ്ക്ക് ഐക്യദാര്ഢ്യം പ്രകടിപ്പിച്ചു പയ്യന്നൂരില് വനിതാ വാഹന ജാഥ സംഘടിപ്പിച്ചു. കരിവെള്ളൂരില് നിന്നു പ്രയാണം തുടങ്ങിയ ജാഥ രണ്ടു ദിവസം പയ്യന്നൂരിലും പരിസരങ്ങളിലുമായി മുപ്പതോളം കേന്ദ്രങ്ങളില് പൊതുയോഗം നടത്തിയ ശേഷം പഴയ ബസ്സ്റ്റാന്ഡ് പരിസരത്തു സമാപിച്ചു. സമാപന സമ്മേളനത്തില് തൊഴിലാളി നേതാവ് ഗ്രോ വാസു മുഖ്യ പ്രസംഗം നടത്തി. ചിത്രലേഖ പ്രശ്നം തൊഴിലാളികള് തമ്മില് തല്ലേണ്ട പ്രശ്നമല്ല. സവര്ണ ജാതിക്കെതിരെയുള്ള പോരാട്ടമാണു നടത്തേണ്ടതെന്നു വാസു പറഞ്ഞു. ചിത്രലേഖ പ്രശ്നം ജാതീയ പ്രശ്നമാണ്. അതു ദലിതരുടെ പ്രശ്നമാണെന്നു തിരിച്ചറിയണം, അദ്ദേഹം പറഞ്ഞു. രേഖാരാജ്, അമല, ദിലീപ് രാജ്, രേഷ്മ ഭരദ്വാജ്, കെ. പി. പ്രവീണ, ജസീല എന്നിവര് പ്രസംഗിച്ചു. ചിത്രലേഖയ്ക്കെതിരെയുള്ള അപവാദ പ്രചാരണം അവസാനിപ്പിക്കണമെന്ന് ആവശ്യപ്പെട്ടു നാളെ ഉച്ചക്ക് രണ്ടരക്ക് പയ്യന്നൂര് കാവേരി ഓഡിറ്റോറിയത്തില് ചിത്രലേഖ ഐക്യദാര്ഢ്യ കണ്വന്ഷന് നടത്തുമെന്നു സംഘാടക സമിതി ഭാരവാഹികളായ എ. വാസു, രേഖാരാജ് എന്നിവര് അറിയിച്ചു. ദലിത് എഴുത്തുകാരനും ചിന്തകനുമായ ചന്ദ്രഭാന് പ്രസാദ് ഉദ്ഘാടനം ചെയ്യും. കേരളത്തിനകത്തുംപുറത്തും നിന്നുള്ള മുപ്പതോളം ചിന്തകരും ദലിത് സ്ത്രീ വിമോചക പ്രവര്ത്തകരും കണ്വന്ഷനില് പ്രസംഗിക്കും. ഫോട്ടോ: വാഹന ജാഥ സമാപന യോഗത്തില് ഗ്രോ വാസു പ്രസംഗിക്കുന്നു |
| Posted By: NEWS DESK On: 3/11/2010 2:05:54 PM |
|
|
| സാമൂഹ്യവിമര്ശനം ലാഭമുള്ള കൃഷി -സി.വി.ബാലകൃഷ്ണന് |
| കണ്ണൂര്: ചില സാഹിത്യ വിമര്ശകര്ക്ക് ഇപ്പോള് സാമൂഹ്യ വിമര്ശനത്തിലാണ് താല്പര്യമെന്നും ലാഭമുള്ള കൃഷി അതാണെന്ന് കരുതിയതു കൊണ്ടാണ് ഈ ചാട്ടമെന്നും നോവലിസ്റ്റ് സി.വി.ബാലകൃഷ്ണന് പറഞ്ഞു. സിനിമ കാണാറില്ലെന്ന് പറയും. പക്ഷേ സിനിമക്കാരുടെ കാര്യത്തിലിടപെടും. സിനിമയുടെ ഗ്ലാമര് തന്നെയാണ് ഇവരുടെ വിമര്ശന മുനയുടെ ഉന്നം. മുത്തങ്ങയില് ആദിവാസികളെ വെടിവെച്ചു കൊന്നാല് ഇവര് മിണ്ടില്ല. നടന്മാരുടെ കാര്യത്തില് ഇടപെടുകയും ചെയ്യും. സുകുമാര് അഴീക്കോടിന്റെ വിമര്ശനത്തെ പരോക്ഷമായി സൂചിപ്പിച്ച് അദ്ദേഹം പറഞ്ഞു. കണ്ണൂരില് ഒരു പുസ്തക പ്രകാശന ചടങ്ങില് സംസാരിക്കുകയായിരുന്നു ബാലകൃഷ്ണന്. |
| Posted By: news desk On: 3/10/2010 8:52:15 AM |
|
|
| ടാങ്കര് ലോറി കത്തിയത് ഷോര്ട്ട് സര്ക്യൂട്ട് മൂലം |
| പയ്യന്നൂര്: പെരുമ്പയില് പയ്യന്നൂര് നഗരസഭാ ഓഫീസിന് സമിപം പെട്രോള് പമ്പിന് മുന്നില് ടാങ്കര് ലോറിക്ക് തീപ്പിടിച്ചത് ഷോര്ട്ട് സര്ക്യൂട്ട് മൂലമാണെന്ന് പോലീസ് അന്വേഷണത്തില് വ്യക്തമായി. അപകടത്തില് ടാങ്കര് ലോറി ഡ്രൈവര്ക്ക് സാരമായി പൊള്ളലേറ്റു. പെരുമ്പയിലെ ഹിന്ദുസ്ഥാന് പെട്രോളിയത്തിന്റെ പമ്പില് എണ്ണ ഒഴിച്ചശേഷം തിരിച്ച് റോഡിലേക്ക് പ്രവേശിക്കുമ്പോഴാണ് ലോറിക്ക് തീപ്പിടിച്ചത്. ഷോര്ട്ട്സര്ക്യൂട്ട് കാരണം ലോറിയുടെ മുന്ഭാഗത്തേക്ക് തീ പടരുകയായിരുന്നു. കൈക്കും കാലിനും പരിക്കേറ്റ ഡ്രൈവര് മാതമംഗലം കുറ്റൂരിലെ സജീവ്(30) ലോറിയില് നിന്ന് ചാടി രക്ഷപ്പെടുകയാണുണ്ടായത്. ഇയാളെ പയ്യന്നൂരിലെ സ്വകാര്യ ആസ്പത്രിയില് പ്രവേശിപ്പിച്ചു. തിങ്കളാഴ്ച രാത്രി പത്തരയോടെയാണ് അപകടം നടന്നത് . തീ അണച്ച ശേഷം ഗതാഗതം പുനഃസ്ഥാപിക്കുന്നതിനിടയില് നിയന്ത്രണം വിട്ട ബൈക്ക് പാഞ്ഞുകയറി ഫയര്മാന് എം.പ്രേമന്(41) പരിക്കേറ്റു. ഇദ്ദേഹവും ചികിത്സയിലാണ്. റോഡില് പടര്ന്ന ഓയിലില് പെട്ടാണ് ബൈക്ക് നിയന്ത്രണം വിട്ട് മറിഞ്ഞത്. ബൈക്ക് യാത്രക്കാരനെതിരെ പയ്യന്നൂര് പോലീസ് കേസെടുത്തു. ഒരു വന് ദുരന്തത്തില് നിന്നും രക്ഷപ്പെട്ടതിന്റെ ആശ്വാസത്തിലാണ് നാട്ടുകാര്. |
| Posted By: news desk On: 3/10/2010 8:51:24 AM |
|
|
| എ.സി.സുകുമാരന് നമ്പ്യാര് അനുസ്മരണം |
 പയ്യന്നൂര്: പയ്യന്നൂരിലെ രാഷ്ട്രീയ-സാമൂഹിക-വിദ്യാഭ്യാസ-സഹകരണ രംഗത്ത് നിറസാന്നിധ്യമായിരുന്ന എ.സി.സുകുമാരന് നമ്പ്യാരുടെ ഒന്നാം ചരമ വാര്ഷികം മാര്ച്ച് 11ന് വ്യാഴാഴ്ച സുകുമാരന് നമ്പ്യാര് സ്മാരക ട്രസ്റ്റിന്റെ ആഭിമുഖ്യത്തില് പയ്യന്നൂര് ഗാന്ധിപാര്ക്കില് ആചരിക്കും. വൈകിട്ട് 4.30ന് കെ.പി.സി.സി. ജനറല് സെക്രട്ടറി ബെന്നി ബഹ്നാന് അനുസ്മരണ സമ്മേളനം ഉദ്ഘാടനംചെയ്യും. കെ.പി. നൂറുദ്ദീന് അധ്യക്ഷനായിരിക്കും. സുകുമാരന് നമ്പ്യാര് സ്മാരക എന്ഡോവ്മെന്റുകള് ഡോ. എ.സി. പത്മനാഭന് നമ്പ്യാര് വിതരണം നടത്തും |
| Posted By: news desk On: 3/9/2010 8:56:25 AM |
|
|
| എ.കെ.പി അവാര്ഡ് സി. രാധാകൃഷ്ണന് |
| പയ്യന്നൂര്: എ.കെ. കൃഷ്ണന് മാസ്റ്റരുടെ സ്മരണക്കായി സ്മാരക സമിതി ഏര്പ്പെടുത്തിയ അവാര്ഡിന് പ്രശസ്ത നോവലിസ്റ്റ് സി.രാധാകൃഷ്ണനെ തിരഞ്ഞെടുത്തു. മലയാള നോവല് സാഹിത്യത്തിന് നല്കിയ വിലപ്പെട്ട സംഭാവനകള് പരിഗണിച്ചാണ് അവാര്ഡ്. 10001 രൂപയും പ്രശസ്തി പത്രവും ശില്പവും അടങ്ങുന്ന അവാര്ഡ് ഏപ്രില് 18ന് പയ്യന്നൂരില് സമ്മാനിക്കും. ടി.പി. ഭാസ്കര പൊതുവാള്, മേലത്ത് ചന്ദ്രശേഖരന്, പി. അപ്പുക്കുട്ടന്, എ.കെ. രാമകൃഷ്ണന് മാസ്റ്റര്, ഡോ. ഇ. ശ്രീധരന്, പ്രൊഫ. മുഹമ്മദ് അഹമ്മദ്,സദനം നാരായണന് എന്നിവര് അടങ്ങിയ അവാര്ഡ് നിര്ണയ കമ്മറ്റിയാണ് അവാര്ഡ് നിര്ണ്ണയിച്ചത്. |
| Posted By: news desk On: 3/9/2010 8:53:42 AM |
|
|
| ടാങ്കര്ലോറിക്ക് തീപ്പിടിച്ചു; വന് ദുരന്തം ഒഴിവായി |
| പയ്യന്നൂര്: പെരുമ്പയില് പയ്യന്നൂര് നഗരസഭാ ഓഫീസിന് സമിപം പെട്രോള്പമ്പിന് മുന്നില് ഇന്നലെ രാത്രി ടാങ്കര്ലോറിക്ക് തീപ്പിടിച്ചെങ്കിലും വന് ദുരന്തം ഒഴിവായി. പെരുമ്പയിലെ ഇന്ത്യന് ഓയില് കോര്പ്പറേഷന്റെ പമ്പില് എണ്ണ ഒഴിച്ചശേഷം തിരിച്ച് റോഡിലേക്ക് പ്രവേശിക്കുമ്പോഴാണ് ലോറിക്ക് തീപ്പിടിച്ചത്. ഉടന് ഡ്രൈവര് ഓടി രക്ഷപ്പെട്ടു. പമ്പിന്റെ പത്ത് വാര അകലെവെച്ചാണ് തീപ്പിടിച്ചത്. ലോറിയുടെ ടാങ്കിന്റെ ഭാഗം മുഴുവന് പെട്രോള് പമ്പിന്റെ ഉള്ളിലായിരുന്നു. ലോറിയുടെ മുന് ഭാഗത്തുനിന്നാണ് തീ പടര്ന്നത്. ഉടനെ പോലീസ് എത്തി പെരുമ്പ ദേശീയ പാതയില് നിന്നും സെന്ട്രല് ബസാറില്നിന്നും വാഹന ഗതാഗതം തടഞ്ഞു. പയ്യന്നൂര് ഫയര് സ്റ്റേഷനില്നിന്ന് രണ്ട് യൂണിറ്റ് അഗ്നിശമന വിഭാഗം എത്തി തീ അണച്ചു. ലോറിയുടെ മുന്ഭാഗം പൂര്ണമായും കത്തിപ്പോയി. പോലീസിന്റെയും അഗ്നി ശമന വിഭാഗത്തിന്റെയും സമയോചിത ഇടപെടലാണ് വന് അപകടം ഒഴിവാക്കിയത്. തിങ്കളാഴ്ച രാത്രി പത്തരയോടെയാണ് അപകടം. കോഴിക്കോട്ടുനിന്ന് വന്ന ലോറിയാണ് അപകടത്തില്പ്പെട്ടത്. തീ പൂര്ണമായും അണച്ചശേഷം ഗതാഗതം പുനഃസ്ഥാപിക്കുന്നതിനിടയില് വേഗത്തില് വന്ന ബൈക്ക് രക്ഷാപ്രവര്ത്തകര്ക്കുനേരെ പാഞ്ഞുകയറിയതിനാല് ഒരു ഫയര് ഫോഴ്സ് ജീവനക്കാരനും ബൈക്ക്യാത്രക്കാരനും പരിക്കേറ്റു. റോഡില് പടര്ന്ന ഓയിലില് ബൈക്ക് നിയന്ത്രണംവിട്ട് മറിയുകയാണുണ്ടായത്. അസിസ്റ്റന്റ് സ്റ്റേഷന് ഓഫീസര് കെ.പി.സോമന്റെ നേതൃത്വത്തില് അഗ്നിശമന വിഭാഗവും ഹെഡ് കോണ്സ്റ്റബിള് വത്സന്, ജനമൈത്രി പോലീസ് ബീറ്റ് ഓഫീസര് രമേശന് എന്നിവരുടെ നേതൃത്വത്തില് പോലീസും രക്ഷാ പ്രവര്ത്തനങ്ങള്ക്ക് നേതൃത്വംനല്കി |
| Posted By: news desk On: 3/9/2010 8:50:35 AM |
|
|
| പ്രതിഭകള്ക്ക് ജന്മനാടിന്റെ സ്നേഹാദരം |
| പയ്യന്നൂര് : കടന്നപ്പള്ളിയുടെ മണ്ണില് ജനിച്ച് വിവിധ മേഖലകളില് വ്യക്തിമുദ്ര പതിപ്പിച്ച പ്രതിഭകളെ ജന്മനാട് ആദരിച്ചു. കടന്നപ്പള്ളി പാണപ്പുഴ പഞ്ചായത്തു ചന്തപ്പുരയില് ഒരുക്കിയ നാട്ടുപൊലിമ നാടന് കലാ സാംസ്കാരികോത്സവത്തിന്റെ ഭാഗമായി നടത്തിയ പ്രതിഭാ സംഗമം ദേവസ്വം മന്ത്രി രാമചന്ദ്രന് കനടന്നപള്ളി ഉദ്ഘാടനം ചെയ്തു. കെ.സി. വേണുഗോപാല് എം. പി ഉപഹാരങ്ങള് സമ്മാനിച്ചു. ടി.പി. ഭാസ്കര പൊതുവാള്. മധുകൈതപ്രം, കുഞ്ഞിരാമ പെരുവണ്ണാന്, കടന്നപ്പള്ളി ശങ്കരന് കുട്ടി മാരാര്, പി.ടി. മനോജ്, ഇ.എന്.കൃഷ്ണന് നമ്പ്യാര്, ബിജു പാണപ്പുഴ,ഇ.എസ്. ജ്യോതി എന്നിവരെയാണ് ആദരിച്ചത്. പി. പി. ദാമോദരന് അധ്യക്ഷനായി. കെ.സി. പദ്മനാഭന്, കെ.കെ.സുരേഷ് , കെ.രഘു, ടി.വി.ചന്ദ്രന്, പി.പി.പ്രകാശന്, എം. ധനഞ്ജയന് എന്നിവര് സംസാരിച്ചു. തുടര്ന്ന് നാടന്പാട്ട്, തെരുവ് നാടകം, പൂരക്കളി, എന്നിവയുണ്ടായി. രാത്രിയോടെ നാട്ടുപൊലിമ സമാപിച്ചു. |
| Posted By: news desk On: 3/8/2010 8:51:13 AM |
|
|
| യൂത്ത്കോണ്ഗ്രസ് മണ്ഡലം സമ്മേളനം സമാപിച്ചു |
| പയ്യന്നൂര്: യൂത്ത്കോണ്ഗ്രസ് പയ്യന്നൂര് നിയോജക മണ്ഡലം സമ്മേളനം സമാപിച്ചു. എം.നാരായണന്കുട്ടി പ്രതിനിധിസമ്മേളനം ഉദ്ഘാടനംചെയ്തു. കെ.പി. നൂരുദീന് മുഖ്യ പ്രഭാഷണം നടത്തി. പി.ഇ.സനാഥ് അധ്യക്ഷനായി. കെ.കുഞ്ഞികൃഷ്ണന് നായര്,അഡ്വ. റഷീദ് കവ്വായി, വി.എന്. എരിപുരം, പിലാക്കാല് അശോകന്, എം.പി. ഉണ്ണികൃഷ്ണന്, വി.സി.നാരായണന്, അഡ്വ. ടോണി ജോസഫ്, എന്.ചിത്രജന്, കെ.പി. നിര്വൃതി, പി.ബി.ജിതേഷ്. സി.ലതീഷ് എന്നിവര് സംസാരിച്ചു. തുടര്ന്ന് നടന്ന പഠന ശിബിരത്തില് ഡി.സി.സി. ജന. സെക്രട്ടറി ചന്ദ്രന് തില്ലങ്കേരി ക്ലാസെടുത്തു. അജിത് കെ.ജോണ് അധ്യക്ഷനായി. ഉച്ചയ്ക്ക് യു.പി.എ. ഭരണത്തില് ഇന്ത്യ എന്ന വിഷയം ഡി.സി.സി. ജനറല് സെക്രട്ടറി പി.സി.ഷാജി അവതരിപ്പിച്ചു. സമാപന പൊതുയോഗം കെ.സി.വേണുഗോപാല് എം.പി. ഉദ്ഘാടനംചെയ്തു. പി.ടി. അനില്കുമാര് അധ്യക്ഷനായി. വി.സി.നാരായണന്, എം.സുരേന്ദ്രനാഥ്. അഡ്വ. നൗഷാദ് വാഴവളപ്പില്, പി.വി.കരുണാകരന്, മറിയാമ്മ വര്ഗീസ്, തങ്കം കരുണാകരന്, അത്തായി പത്മിനി, ഇ.വി.കരുണാകരന്, അഡ്വ. ഡി.കെ.ഗോപിനാഥ് എന്നിവര് പ്രസംഗിച്ചു |
| Posted By: news desk On: 3/8/2010 8:49:55 AM |
|
|
| പയ്യന്നൂര് സൗഹൃദ വേദി അബുദാബി |
|
അബുദാബി: പയ്യന്നൂര് സൗഹൃദ വേദി അബുദാബി പുതിയ പ്രവര്ത്തന വര്ഷത്തെ ഭാരവാഹികളെ തിരഞ്ഞെടുത്തു. അബുദാബി അറബ് ഉടുപി ഹാളില് ചേര്ന്ന വാര്ഷിക പൊതുയോഗമാണ് പുതിയ കമ്മിറ്റിയെ തിരഞ്ഞെടുത്തത്. സെക്രട്ടറി ഡി.കെ.സുനില് പ്രവര്ത്തന റിപ്പോര്ട്ടും ദിനേഷ് ബാബു സാമ്പത്തിക റിപ്പോര്ട്ടും വി.ടി.വി.ദാമോദരന് സേവന റിപ്പോര്ട്ടും അവതരിപ്പിച്ചു. ഇ. ദേവദാസ് അധ്യക്ഷം വഹിച്ചു. പി. പി. ദാമോദരന് (പ്രസിഡന്റ്), എം. സുരേഷ് ബാബു (ജന: സെക്രട്ടറി), യു. ദിനേഷ് ബാബു (ട്രേഷറര്) എന്നിവരുടെ നേതൃത്വത്തിലാണ് പുതിയ കമ്മിറ്റി |
| Posted By: news desk On: 3/7/2010 8:36:05 PM |
|
|
| <News Archive(upto April 2004)> | |
www.payyanur.com |